- كشفت الفنانة يسرا اللوزي، عن العديد من كواليس وأسرار حياتها الشخصية والمهنية كما تحدثت عن علاقتها بابنتها
- يسرا اللوزي: بعيط وبنهار قدام ولادي علشان أعلمهم يحسوا بيا
- وقالت يسرا اللوزي، في برنامج كلمة أخيرة، الذي يقدمه الإعلامي أحمد سالم والمذاع على قناة ON: بحاول أعلم ولادي إزاي يحسوا بيا، بحاول أوريهم ضعفي ويشوفني وأنا بعيط ومنهارة وتعبانة من التصوير ومش قادرة أقوم علشان بقالي يومين صاحية، بدأوا مؤخرًا يفهموا أنهم يدوني مساحة، لأن فيه وش تاني
كشفت الفنانة يسرا اللوزي، عن العديد من كواليس وأسرار حياتها الشخصية والمهنية كما تحدثت عن علاقتها بابنتها.
يسرا اللوزي: بعيط وبنهار قدام ولادي علشان أعلمهم يحسوا بيا
وقالت يسرا اللوزي، في برنامج كلمة أخيرة، الذي يقدمه الإعلامي أحمد سالم والمذاع على قناة ON: بحاول أعلم ولادي إزاي يحسوا بيا، بحاول أوريهم ضعفي ويشوفني وأنا بعيط ومنهارة وتعبانة من التصوير ومش قادرة أقوم علشان بقالي يومين صاحية، بدأوا مؤخرًا يفهموا أنهم يدوني مساحة، لأن فيه وش تاني بيظهر غصب عنك، الوش ده فيه زعيق كتير الواحد لما يكون مش نايم ومتوتر مابيكونش أحسن نسخة من نفسه وأنا مش عاوزة أرويهم النسخة دي وبقرر أني أبعد.
وأضافت يسرا اللوزي: زمان ماكنش عندي الخبرة دي، زمان كان غصب عني ممكن أتعصب ومش عاوزة يجيلهم تروما أنا بفضل استحمل وبعدين أفرقع، فرقعت قدامهم مرتين واتخضوا فاتكلمت مع الدكتورة بتاعتي قالت لي قبل ما توصلي للمرحلة دي أبعدي، وارجعي لهم علشان يكون عندهم ذكريات كويسة.
وأشارت يسرا اللوزي: هذا الجيل لديه وعي أكثر بكثير من الأجيال السابقة، مضيفة: الجيل ده عنده وعي أكتر من جيلنا وإحنا صغيرين، الجيل ده بياخد باله من تفاصيل كتير، دلوقتي بنخاف نحور على العيال إحنا كنا بنصدق أي حاجة بتتقال.
وأكملت: أنا بحاول أعلم بناتي إزاي نعمل توازن في حياتنا، إزاي يشوفوا قدامهم حد مهتم بشغله وبيعمل حاجة بيحبها، وفي نفس الوقت بيقسم وقته ما بين الشغل والعيلة، وأنا بعمل ده، علشان يتعملوا أنه لازم يعملوا حاجة بيحبوها.
